26.6.22

Discosmos

 

Discosmos é un vídeo para botar unhas risas, si!

Tamén cremos que é unha clase de química.


Nel, asistimos a unha sesión discotequeira onde algúns elementos da táboa periódica interactúan entre eles para causar diversas reaccións.

O alumnado de 3º da Eso meteuse no papel. Tivo que seguir as pautas inscritas no seu Dni, para exteriorizar as súas características mediante un vestiario e unha coreografía inspiradas no ballet triadico deseñado por Oskar Schlemer na escola de la Bauhaus.


Hai que dar as grazas ao traballo do alumnado de 4º da Eso, que proxectou os seus deseños de redes modulares sobre as paredes do escenario e colaborou na gravación e iluminación.

Involucráronse tamén cantidade de profesoras , ademais do ferroporteiro, para dar saída a esta actividade na que nos sentimos moi satisfeitos por emprender.

 

 

24.6.22

CLUB DE LECTURA: ATA PRONTO

 

Na nosa lingua  distinguimos entre último e derradeiro.
E  por se vos preguntades cal é a razón deste apuntamento lingüístico despexaremos a  dúbida:
Facemos mención ás últimas (neste caso tamén derradeiras)  lecturas deste curso: Penúltimas tendencias e Makinaria, ambas de Carlos Negro. Como sempre un  éxito.
Tras lelas compuxemos  acrósticos xogando cos versos destes libros e os nomes de cada un e cada unha.
As obras chamaron a atención do resto  da clase, que se sumou á lectura e composición poética, así como á realización dunha recreación das portadas.

Tamén son os últimos días que estamos a pasar con Fátima, xa que marcha. Pero  o alumnado e profesorado desexamos que non sexa a derradeira  ocasión que a vexamos por aquí; esperamos que de vez en cando nos visite.
Para que non nos esqueza e leve consigo o noso nome e   cariño    as compañeiras de aula recompilamos os traballos realizados e dedicámosllos.
Desexámoslle todo o mellor.
 

Feliz verán a todas e todos!

 





19.6.22

Roteiro por Mondoñedo

 O alumnado do club de lectura visitou a vila de Mondoñedo para primeiramente  visitar a súa Catedral grazas a audiguía e posteriormente facer un percorrido polas rúas grazas a google maps. Tiveron que se achegar a os puntos sinalados, ler a información, contestar as preguntas e facer unha foto do sitio proposto.








17.6.22

Club de lectura de adultos

 

Dende hai uns anos está a funcionar no noso centro o Club de Lectura  de Secundaria: un grupo de 1º e 2º e outro de 3º e 4º. O número de   rapaces e rapazas  participantes foi aumentando paulatinamente ata  contar na actualidade cunha alta porcentaxe  do alumnado.

Pensamos, pois, que era o momento de poñer en funcionamento un Club de Lectura destinado a adultos; idea que xa víñamos barallando dende hai tempo.

A actividade  ofertouse non só aos integrantes da comunidade educativa senón tamén a aquelas persoas da súa contorna ás que lles puidera interesar.

Desde o seu inicio, en decembro, ata o día de hoxe, foise incrementando o número de participantes paulatinamente ata chegar aos 21 cos que conta na actualidade.

As lecturas postas en común foron:

Abril Quebrado, Kadaré

A neta do señor Linh, Philippe Claudel

Prohibido nacer, Trevor Noah

Vista a resposta de todos e todas as integrantes a nosa intención é que teña continuidade o vindeiro curso.

Grazas a todos e todas pola vosa participación.

Esperamos vervos na próxima entrega!

O equipo de Biblioteca

 

 


 

22.5.22

Visita de Kiko Da Silva

 

 

O pasado venres tivemos a sorte de recibir no noso centro a Kiko Da Silva, home que traballa xa hai moitos anos no mundo da banda deseñada e ilustración. Director de revistas como BD Banda ou Retranca presentounos O Garaxe Hermético, única escola profesional de banda deseñada de Galicia. Con dez anos de vida, ven a cubrir unha necesidade educativa para os que se queren formar nesta disciplina. Como resultado do traballo do alumnado, podedes ver os agasallos que nos trouxo.

Ensinounos tamén métodos para debuxar personaxes facendo un percorrido polas características máis salientables de debuxos animados ben coñecidos por todos, como Os Simpsons, Shin Chan...

E como dun salón do cómic se tratara rematou a sesión con debuxos dedicados ao alumnado.

 

.




 




 E temos na biblioteca a súa última publicación.


Todo o que se publica neste blog respecta os dereitos de autor.
Se alguén considera que algunha imaxe ou calquera outro elemento publicado vulnera estes dereitos, agradeceriamos se nos comunicase para eliminalo inmediatamente. Grazas