No día de hoxe o grupo de Teatro "Algo máis que pan e queixo" participou xunto co I.E.S. As Insuas de Muros, e os C.P.I. de Touro e Vedra, os dous da Coruña, na segunda xornada destes encontros teatrais.
O grupo de Muros , coordinado por Casas, representou a obra Agromar. Na mesma, un grupo de adolescentes reflectían as súas preocupacións e a súa diferente sensibilidade á hora de buscar saídas, a unha idade complicada. Gustounos.
Os de Touro e Vedra, dous C.P.I. que comparten actividades extraexcolares, neste caso coordinados por Alfonso - membro do grupo de teatro Metátese de Palas de Rei-- propuxeron mesturando son, imaxe e representación teatral, unha chea de dúbidas en diferentes formatos relacionados coa existencia do home no senso amplo do termo. Polo medio houbo tamén algunha chiscadela na que puxeron nalgún apreto subido ao escenario, ao coordinador do grupo de teatro friolés. Tamén nos gustou,... sobre todo ver ao profe en apuros.
Hai que lembrar que o coordinador do grupo --que foi tamén o que iniciou a práctica teatral en Muros-- foi , no seu momento, presidente da Federación Galega de Teatro Amateur. O título da obra: Palabras, que xa levan representado varios anos e mesmo representaron en Barcelona e Italia.
Do noso grupo, os primeiros en actuar, non imos dicir nada que non saibamos, iso si, chamou a atención a calidade de declamación das nosas actrices e a nula presenza masculina.
Como agasallo, as participantes recibiron unha camiseta alusiva á actividade.
Só queda agradecer á organización as facilidades e atencións recibidas.
No hay comentarios:
Publicar un comentario