Celebramos o Samaín

Na semana dedicada ó Samaín a biblioteca transformouse  nun verdadeiro castelo do terror.  Vimos como medraban as arañeiras, voaban os morcegos e as bruxas do lugar amedrentaban cos seus contos.

É de agradecer a gran participación das alumnas, alumnos e  familias no concurso de calacús onde a creatividade foi evidente. Houbo premios para algúns e un marcapáxinas de agasallo para todos. Podedes ver o conxuro feito por Ana de Infantil  ademais do programa na páxina do centro.