Desde a semana que ven a biblioteca comezará o
servizo de préstamo de sete lectores dixitais, tres para o 3º ciclo de primaria
e catro para a ESO. Aquí abaixo deixamos as características principais dos
e-readers, normas e responsabilidades, e as funcións básicas; nada do outro
mundo pero moi recomendábeis antes de solicitar o empréstito. Ademais, antes de
levar o aparello tedes que traer a acta de entrega debidamente asinada. Para
calquera dúbida podedes preguntar ós membros de biblioteca ou colaboradores.
Neste momentos os lectores conteñen dez libros para Primaria e vinte e tres para Secundaria e desexamos que o número vaia
medrando incluíndo máis libros interesantes e do voso gusto. Para
ver os título e sinopse dos libros habilitamos unha pestana na barra superior
do blog chamada E-BOOKS, onde están etiquetados por materias, ciclos e linguas.
Alí podedes ler de que van e … moi importante! deixar
comentarios e suxestións que nos axuden
a adquirir novos exemplares de forma máis axeitada.
No hay comentarios:
Publicar un comentario