Cumprido un
trimestre desde a creación do club de lectura temos que salientar o entusiasmo
co que as alumnas e alumnos de 1º da ESO e 6º de Primaria, integrantes todos,
acolleron esta actividade. Tamén mencionar a boa elección do libro a tratar: “O
agasallo de Anya” da autora Sabela Núñez Singala, obra que nace dunha
experiencia persoal chea de valentía e xenerosidade, de lectura emotiva e
contido positivo desde o principio ata oº fin e que deu moito xogo nos debates
desenvoltos na biblioteca. Lido o libro, compartidas as impresións e feito o
traballo de investigación sobre o país de unha das protagonistas, Ucraína, todo parecía
rematado. Máis non é así, quédanos unha sorpresa, un novo agasallo da autora. Sabela
estará entre nós en breve. Agardámola.
No hay comentarios:
Publicar un comentario