Como en anos anteriores o equipo de biblioteca organizou un xogo de pistas co obxectivo de seguir coa formación de usuarios. Fixéronse grupos reducidos nos diferentes grupos da Eso e despois dunha breve explicación, tanto da disposición dos fondos segundo a CDU como das bases do propio xogo, o alumnado adoptou o papel de curioso detective na procura dos libros que lles proporcionarían a resposta e unha nova pista para continuar. Tiveron que consultar atlas, cómics, ciencias, mitoloxías, etc, abranguendo así á totalidade dos distintos ámbitos e manexando certos exemplares, habitualmente, invisibles para el@s. Como novidade, entregóuselles documentación sobre as distintas partes do libro ( lapela, cuberta, e contracuberta, prólogo...) para conseguir información adicional: edicións, sinopse, ilustracións, bibliografía...
Fixérono realmente ben. Parabéns!
No hay comentarios:
Publicar un comentario