O pasado día 17 de novembro o alumnado de 3º e 4º da Eso fixo unha visita á cidade da Coruña. Na primeira parada achegámonos á Fundación Barrié de la Maza onde da man do responsable de didáctica, percorremos a exposición titulada “Humano, más humano”. No inicio vimos pinturas neoexpresionistas de gran formato dos anos 80, nas que o centro de interese é a figura humana. Como contrapunto, na segunda sala descubrimos obras de formatos, disciplinas e técnicas diferentes creadas no século XX. Aproveitamos para participar nun pequeno obradoiro no que tiñamos que reflexionar sobre os rituais que o humano adopta cando perde a súa individualidade e pasa a ser unha engrenaxe máis dun determinado grupo con identidade propia, co que isto conleva de catarse colectiva.
Deixamos o enlace por se vos interesa a visita.
Unha vez terminado demos un paseo ata a praza de Lugo, onde puidemos contemplar un par de construcións modernistas. Centrámonos no edificio Arambillet, de desbordante decoración e inluencias da pintura prerrafaelista. De aí os rostros femininos baseados en Elizabeth Seadel.
Se queredes facer unha ruta modernista pola cidade igual vos pode axudar este enlace.
O
centro Ágora foi a seguinte visita. A súa fantástica arquitectura
funcionalista ofreceu un espazo idóneo para que o alumnado se
enfrontara a unha serie de retos de programación e robótica, que superou de xeito máis que satisfactorio. Agradecemos á
asociación Igaciencia estas iniciativas tan lúdicas e proveitosas.
Para saber sobre esta arquitectura... enlace
E como non, dirixímonos a Marineda City a xantar e dar unha volta por esas superficies consideradas as “novas catedrais”
Igual o alumnado nos dá unha sorpresiña e temos que continuar esta entrada cunha proposta sobre os espazos de consumo.
No hay comentarios:
Publicar un comentario