Un libro por descubrir: unha aventura por percorrer

22.3.23

1.3.23

Alejandro Loureiro Lorenzo, profesor de fotografía, achegouse ao colexio para dar unha charla sobre as liñas de confuencia entre debuxo, pintura, escultura, arquitectura e fotografía. Examinou como as novas tecnoloxías actuais amplían as capacidades do medio fotográfico para producir imaxes manipuladas mantendo a credibilidade do mesmo. Os supostos atribuídos perceptivos enfróntanse a novas tecnoloxías como a intelixencia artificial, cada vez máis integrada en todos os aspectos da edición e impresión que coexisten con modos de ver establecidos.

16.12.22

Club de lectura

Por aquí andamos un curso máis a voltas coas lecturas propostas polo profesorado e alumnado do noso Club de Lectura.

Aproveitamos para dar a benvida a todos e todas.

En primeiro ciclo estamos a ler o libro de Clara Vila-Amado Pegadas na tinta, obra que xira en torno a unha investigación no Alto Exipto.

A elección foi debida a dúas causas: o interese do alumnado pola temática de suspense e porque na materia de historia estase traballando esta civilización.

Para a presentación visualizamos unha entrevista realizada a unha exiptóloga.

En segundo ciclo son dúas as lecturas propostas:

Para 3º da ESO ¿Cuánta tierra necesita un hombre? de León Tolstói. Unha obra breve que nos leva a reflexionar sobre os bens materiais necesarios para acadar a felicidade.

Tamén se lles ofreceu a versión en novela gráfica adaptada por Martín Veyron da editorial Norma.

Co fin de contextualizar a lectura vimos unha presentación en power point sobre a interesante e peculiar vida do autor.

4º da ESO está a ler Un de nós mente de Karen M. Mcmanus.

Simón falece no centro escolar e parece que a súa morte foi provocada por alguén da súa contorna. Pode que o feito de ser a persoa que publica noticias íntimas dos compañeiros e compañeiras teña algo que ver.

Neste caso unha das múltiple preguntas ás que nos conduce a lectura é: “O que proxectamos cara aos demais é o que realmente somos?”.

12.12.22

Novos poliedros 2022

O alumnado de 4º da Eso elexiu o poliedro fractal de Sierpinski, do nivel 2 e 3 para enviar a un concurso organizado por Igaciencia.
Para realizalos comezaron analizando as súas formas para a continuación crear os desenvolvementos e despois montalos. No caso de nivel 2, o alumnado recoñeceu como posible módulo a repetir a Stella octángula de Kepler, forma moi motivadora polo seu resultado oco na posterior montaxe. Supuso un reto construílas en cartolina coidando a exactitude, doblado e pegado das 10 stellas. Puxéronlle o nome de Neviski, facendo referencia a Sierpinski e os copos de neve, moi estudiados por Kepler.

En canto ao nivel 3, a construción baseouse nun tetraedro matríz. tamén de cartolina. sobre o que se foron pegando outros máis pequenos. Chamárono Fractal Fieitiño, guiño ao fieito, tan presente nas nosas terras e de estrutura fractal.

O poliedro nivel 3

No nivel 2 investigaron a orixe interna da figura a partir de stellas octángulas. Hai que "fundir" os picos das stellas octángulas anexas para ter o nivel 2 a partir da figura construída.