PROTOCOLO COVID-19 PARA O USO DA BIBLIOTECA DO CPI DR. LÓPEZ SUÁREZ-FRIOL DURANTE OS TEMPOS DE LECER
ESO E 3º, 4º, 5º E 6º DE PRIMARIA.
Dadas as circunstancias do presente curso a Biblioteca elaborou un protocolo que pretende:
- Aplicar as normas de seguridade seguindo as instrucións proporcionadas polos distintos órganos educativos competentes.
- Continuar, na medida do posible, atendendo a todas as funcións propias dunha Biblioteca Escolar.
ENTRADA
- A porta da biblioteca permanecerá aberta durante o tempo no que o alumnado teña acceso ao recinto.
-O alumnado deberá pedir permiso para entrar.
- O primeiro que deberá facer unha vez na biblioteca é aplicar o xel hidroalcólico que está á súa disposición dentro da mesma.
- Co fin de evitar o excesivo tránsito de persoas, o alumnado que abandone a biblioteca non poderá acceder a ela na mesma sesión.
- Mediante un cartel situado na porta proporcionarase a información de que o aforo está completo.
- Cando queden sitios libres farase saber mediante este mesmo cartel e, tras pedir permiso á persoa encargada, ocupará o lugar que se lle asigne.
- Os rapaces e rapazas que desexen facer uso da biblioteca cando o aforo estea completo deberán esperar na porta de entrada do edificio de primaria.
PERMANENCIA NA BIBLIOTECA
- O aforo máximo será de 21 persoas.
- O alumno ocupará o lugar asignado e:
Non poderá mover o mobiliario (mesas, cadeiras, pufs…). Para facilitar a adquisición deste hábito procedeuse a sinalizar a ubicación destes elementos mediante marcas.
No caso de que desexe ter acceso a algún fondo para consultar ou levar en préstamo, ser asesorado pola persoa encargada sobre algunha cuestión ou calquera outra necesidade coa que se atope, non abandonará o seu lugar sen a pertinente autorización.
Tras autorización do docente responsable da biblioteca poderán consultar os fondos da mesma un máximo de dous alumnos á vez, sempre gardando as distancias de seguridade.
Dado que a Biblioteca está situada no edificio de primaria lémbrase que o alumnado da ESO non poderá facer uso de ningún dos baños de dito edificio.
USO DOS ORDENADORES
- Habilitáronse dous ordenadores que se dedicarán exclusivamente a tarefas académicas; non se permitirá xogar neles.
- Para utilizar a impresora pedirase permiso á persoa responsable da biblioteca.
- No caso de que se queiran utilizar auriculares deberase facer uso dos propios.
SERVIZO DE PRÉSTAMO
- O usuario que desexe levar fondos en empréstito pedirá permiso para achegarse ao ordenador de xestión, respectando en todo momento a marca que indica a distancia de seguridade, e deberá proporcionar o número de carné da biblioteca asignado así como o número de rexistro do libro, DV
- Cando se realice a devolución, o alumnado volverá a indicar o seu número de carné e de rexistro do empréstito. Posteriormente depositará o préstamo nunha caixa na que permanecerá un mínimo de 24 horas ata ser colocado novamente no lugar correspondente.
MEDIDAS DE HIXIENE
- Teranse as ventás e porta abertas o maior do tempo posible. En todo caso, seguirase o protocolo do centro a este respecto.
- A ventilación do espazo e a limpeza dos distintos espazos, mobiliario, ordenadores…, será función da persoa responsable de biblioteca exclusivamente.
- Uso obrigatorio do xel desinfectante á entrada e saída para todas as persoas usuarias da biblioteca.
INFANTIL E PRIMARIA
No caso de Primaria decidiuse asignar un día da semana a cada curso, dende 3º a 6º (ambos inclusive).
Estes mesmos cursos, así como Infantil e 1º e 2º de Primaria, terán á súa disposición unha sesión semanal en horario lectivo. Será o titor ou titora quen a xestione.
As quendas nas horas de lecer serán:
Luns: 3º Martes: 4º Mércores: 5º Xoves: 6º
Está por determinar o grupo ao que se lle asignará a sesión de lecer do venres, posto que se decidiu que se ofrecerá a aquel que amose un maior interese no uso da biblioteca.
No hay comentarios:
Publicar un comentario