Blog da Biblioteca do C.P.I. Dr. López Suárez. Friol

13.12.12

Inauguración da nosa biblioteca

Na última semana de Novembro celebramos a inauguración "oficial" da nosa biblioteca (se ben xa estaba funcional, aínda que con moito traballo por rematar). Decidimos facer un conxunto de actividades adaptadas a cada nivel educativo co obxectivo de que o alumnado se familiarizase co funcionamento da biblioteca: criterios de colocación dos libros (seguindo o programa Meiga), aprender a manexar glosarios, índices de diferentes tipos, temáticas... E sobre todo, pretendíamos unha inmersión na aventura dos libros, e que o alumnado vise que un libro é unha ventá aberta a outro libro nunha viaxe infinita. Para o alumnado máis novo fixemos unha acollida multisensorial (música, imaxes, texturas) que lles permitise ver a biblioteca como un lugar agradable onde estar e descubrir tesouros (atopar personaxes recoñecidos nos contos). Deixamos unha presentación sobre a actividade, da que pensamos que foi un rotundo éxito pola aprendizaxe que supuxo no manexo de libros, na súa colocación, e sobre todo... polo gozo. Pensamos que habería que repetir experiencias tan enriquecedoras como esta e facer partícipe a TODA a comunidade educativa.

No hay comentarios:

Publicar un comentario

Todo o que se publica neste blog respecta os dereitos de autor.
Se alguén considera que algunha imaxe ou calquera outro elemento publicado vulnera estes dereitos, agradeceriamos se nos comunicase para eliminalo inmediatamente. Grazas