CONFERENCIA IRMÁNS VALLEJO EN FRIOL

O mércores, 19 de decembro de 2012, celebrouse no Centro Sociocultural de Friol a conferencia dos actuais subcampeóns de Rallies, os irmáns Vallejo. A súa charla versou sobre "O deporte de élite e valores sociais". Este evento estivo organizado conxuntamente polo CPI Dr. López Suáres e o Concello de Friol. Tanto Sergio como Diego Vallejo comunicáronlles ós numerosos asistentes ó acto os valores inherentes a calquera deportista de alto rendemento. Valores como traballo, esforzo, disciplina e planificación foron nomeados con moita frecuencia por estes dous grandes deportistas, que fixeron as delicias entre os chavales e chavalas por saber transmitir estes valores con total cercanía e humildade.
Desde o Centro Educativo damos unha gran importancia a estes valores, que non só se deben reflictir no ámbito do deporte, pero tamén na vida escolar e familiar.
No acto tamén estiveron acompañados por D. Álvaro Louro, Director Deportivo do equipo Vallejo Racing, quen fixo as veces de moderador do acto.
En difinitiva, valoramos desde o Centro este acto como un gran éxito pedagóxico e totalmente aproveitable para o alumnado ó cal iba dirixido.
(Información e foto: Felipo Barata)