Celebramos o Entroido

Panos, gafas vistosas e perrucas decentes (ou outros elementos decorativos para a cabeza). Estes foron os mandados que o Equipo Directivo, organizador da Semana do Entroido 2013, mandou sucesivamente e acumulativamente para os tres primeiros días da semana. O día de Xúpiter, descanso. O venres tiveron lugar os defiles de disfraces, tendo como tema dos mesmos os diferentes estilos musicais: os pequenos cowboys de Infantil, música country ; 1º Ciclo de Primaria, ritmos caribeños; Hip-Hop e Break Dance para os B-Boys de 2º Ciclo de Primaria; 3º Ciclo de Primaria, a forza do Rock; en 1º de ESO inclináronse polo Pop; Ballet clásico-romántico en 2º de ESO; Mix Pop clásico - Rap, en 3º de ESO e Rap en 4º de ESO.
O traballo de alumnos e alumnas, de profes e organizadores reverteu nun acto brillante, vistoso, bonito e cálido.
O remate púxoo a queima do Meco, obra fermosa e efémera de Modesto, da que, en poucos segundos, as lapas non deixaron moito máis ca un puñado de cinzas e unha mensaxe: Memento homo quia pulvis es et in pulverem reverteris.


Fotos: Eva Gómez, Teresa Blanco e Nemesio Gutiérrez