Ola a tod@s, desculpade
a tardanza por non poñernos en contacto con vós durante este tempo. Xa botamos a
andar o curso e moitas son as cousas que nos esperan para que a biblioteca
continúe sendo unha plataforma na busca de curiosidade, goce e coñecemento; un
punto de encontro.
Pero antes de
nada temos que agradecer ás nosas compañeiras Eva Gómez e Sandra Cid, e o tamén
compañeiro Benjamín Longarela, que se embarcasen con nós nesta andaina que supón o traballo
na biblioteca. Benvidos ao Equipo!
Non podemos
esquecer @s colaborador@s, tanto nov@s, que son moit@s, como @s que seguen con
nós e que aportan unha axuda fundamental para que isto funcione.Este ano
contamos con alumnado que abrangue desde 4º de Primaria a 4º da Eso. Benvidos
tamén a el@s!
Queremos agradecer desde aquí á Biblioteca do centro Ies.
Pedregal de Irimia o préstamo de dez volumes da obra El capitan Alatriste de Arturo
Pérez Reverte para os noso alumnado de 3º da Eso.
Aproveitamos esta
entrada para recordar a todo o profesorado que non dubiden en suxerir calquera
material ou recurso que estimen necesario para a biblioteca.
Por outro lado, informámosvos
que desde a Consellería e a través de Bibliotecas Escolares anímannos este ano a
percorrer
os moi diversos territorios das artes.
Aquí tedes a
imaxe, creada por Minia Regos, que ilustra o lema deste ano.
Deixámosvos o enlace.
Como vai de artes, eliximos para esta ocasión a peza que a nosa exalumna Jessica Legazpi realizou o ano pasado a propósito da idea que nos transmite a incursión na lectura, a entrada a mundos aínda ocultos.
E dado que un libro sempre leva a outros libros propoñemos, para ilustrar esta idea, outra creación realizada pola alumna de 4ºda Eso Tania Buján.
No hay comentarios:
Publicar un comentario