Levamos unha temporada de curso e aínda non apareceramos por aquí. Pero o Club de Lectura, lonxe de estar man sobre man, xa comezou hai tempo a súa nova andadura.
Queremos darlles a benvida tanto aos
reincidentes como ás novas incorporacións. Este curso temos a
sorte de contar con Sara, que se está encargando da coordinación do grupo de
rapaces e rapazas de primeiro ciclo. E para
artellar a actividade deste primeiro trimestre conta nesta ocasión coa
inestimable colaboración de Ánxela, que realizará a presentación da obra e
moderará a posterior posta en común.
Os libros que se están a ler son Recinto gris de Ledicia Costas e Alfagann é Flanagan de Andreu Martí e
Jaume Ribera.
Baixo a aparencia dunha lectura
fácil, en Alfagann é Flanagan atopamos temas como a
importancia da imaxe (realmente ten tanta?), o abuso de poder, a indefensión…
Pola súa banda con Ledicia Costas
valoraremos a riqueza da diversidade. Porque,o mundo sería tan aburrido se todos fósemos iguais…
No hay comentarios:
Publicar un comentario