Unha viaxe ó pasado

Hoxe tivemos excursión co alumnado de 1º de ESO. Visitamos a exposición Romanorum Vita, na que o noso alumnado deixou o listón moi alto: tanto polo comportamento, actitude, interese e os coñecementos previos. Tanto é así, que a nosa guía felicitounos e asegurou que, polo de agora, foi o mellor de tódolos grupos ós que atendeu, que xa foron moitos. A verdade é que así, dá gusto: todo un estímulo para seguir contando con vós.

Completamos a xornada visitando a piscina romana da Praza de Santa María, a catedral (na que fixeron un xogo de busca do tesouro), percorrimos o adarve completo da muralla, e rematamos na Casa das Batitales.

Para nós, a xornada non puido ser máis satisfactoria.

Grazas e parabéns ás rapazas e rapaces de 1º de ESO. Non cambiedes.