2ª edición de "Cóntame un conto"

Enfrontarse a unha cámara non sempre é sinxelo, nada máis poñerse diante sufrimos todo tipo de reaccións: acelérase o pulso, as mans arrefríanse, póñense húmidas e cobran vida propia para tentar explorar o espazo ao noso redor , entrecortásenos a voz... Ademais o noso diálogo interno inclínase a favor do negativo, comezamos a pensar que todo vai ir mal e non podemos saír dun bucle de mal “rollo“. Un bo exercicio para superar este pánico escénico é mirar á cara ao “obxectivo” e pensar que é un amigo con quen vas compartir algo interesante. Se lle sumamos preparación e un pouco de práctica lograremos converter unha experiencia que sentiamos arrepiante nun feito normal, podendo chegar a ser excitante.

Por isto, desde a biblioteca  queremos promover a 2ª edición de “Cóntame un conto” e que este tipo de actividades sexan habituais desde idades temperáns.

Comezamos  con 6º de Primaria. Parabéns a tod@s.