MANUEL MARÍA: UNHA FOLLA QUE SALAIA...
Este ano o autor ao que se lle dedica o Día das Letras Galegas é Manuel María, o noso veciño de Outeiro de Rei, o cantor da Terra Chá. E ao mellor froito desta cercanía, "un labrego con algo de poeta", é que a súa poesía a sintamos tamén como propia.
Ao longo do mes de maio realizáronse diversas actividades entre as que cabe destacar a representación teatral do grupo de centro adaptada e dirixida polo noso comapeñeiro José María Carricoba. E como ano tras ano nos ten acostamados resultou un rotundo éxito. Os nosos parabéns! Para máis información este enlace. Por outro lado, o alumnado de 4º da Eso colaborou no libro Manuel María: libro colectivo de homenaxe, editado pola Deputación de Lugo. Parabéns tamén!
Pola nosa parte con estas pequenas pezas audiovisuais quixemos aportar un gran de area á homenaxe colectiva da que está sendo obxecto.
E pensamos que nada mellor que os nosos rapaces e rapazas reciten a visión que de si mesmo dá no seu poema "Carné de identidade"
A nosa ousadía levounos a desexar emulalo e elaboramos metáforas nas que, como el fixo, nos puidésemos ver reflectidos.
No hay comentarios:
Publicar un comentario