Outro ano máis quixemos aportar o noso gran de
area para conmemorar o Día da Muller. E, como moitas veces sucede,
os libros convertéronse nuns estupendos aliados para poñer en
marcha a actividade. Dúas foron as obras nas que nos centramos: Con
ojos de niña de Amparo
Tomé González
e Francesco
Tonucci, que coas súas
acertadas reflexións sobre prexuízos de xénero nos fixeron
lembrar o que aínda queda por avanzar na educación igualitaria dos
nosos rapaces e rapazas, e Ilustrísima´s
2, que cunhas ilustracións e textos
certamente orixinais e amenos nos achegou a un nutrido grupo de
valentes pioneiras nos distintos campos e etapas da historia.
Con material tirado de ambas obras realizamos unha
mostra no corredor de Secundaria. Posteriormente, nas sesións de
titoría e de diversas materias, o alumnado achegouse á exposición
e completou un cuestionario coa información que esta proporcionaba.
Ademais, cada alumno/a elixiu a unha destas mulleres para ampliar a
información sobre ela e logo compartila co resto do alumnado e
profesorado.
Foi determinante para levar a cabo a actividade a boa disposición
dos docentes, a achega dos seus coñecementos e a bibliografía que
nos facilitaron.
Graciñas a tod@s
E dúas obras que entran como novidade na nosa biblioteca.
No hay comentarios:
Publicar un comentario