CLUB DE LECTURA. DA LECTURA Á ESCRITA

O narrativo é sen dúbidas o xénero literario que máis se consume, ao que estamos máis habituados,

Isto non quere dicir que non haxa persoas  que poidan chegar  a apaixonarse polo teatro e a poesía. 

Un dos xeitos máis efectivos para que o alumnado se achegue de bo grao a un tipo de poesía  que case sempre queda fóra do currículo e descubra que lles pode entusiasmar, é poñer nas súas mans  algunha obra de Carlos Negro. Penúltimas tendencias e Makinaria son unha aposta segura.

Así que no noso club, tras ler  ambas obras, decidimos realizar uns acrósticos mediante a elección e combinación dos versos que máis nos gustasen, impactasen ou chamasen a atención e que, ademais, fosen axeitados para conseguir o noso propósito.

Aquí vos deixamos  algunhas composicións creadas por alumnos e alumnas.  As presentación foron ideadas e  realizadas por Susana López e Noemí Agruñá. 

Ah!

Que que é un acróstico?

Fíxate na primeira letra de cada verso.

 

 

Aínda que somos do bloque central, nalgúns casos as "manías" da lingua leváronnos a confraternizarnos co occidental e utilizar o seseo. E gustonos.