Co ánimo de fomentar a lectura, e de forma especial a lectura en familia, puxemos en marcha as mochilas viaxeiras, que estarán en activo desde o 3 de febreiro ata final de curso. Cada familia recibirá a través da súa filla ou do seu fillo unha mochila con diferentes tipos de textos, documentos e formatos. O préstamo será dunha semana e as mochilas serán recollidas os luns. A mochila inclúe narrativa en galego e castelá, un CD de música, un libro de manualidades, un libro en inglés, un libro de consulta para as familias, un mapa do concello, un conto infantil, e unha libreta para recoller suxestións das familias.
Esperamos que esta iniciativa sexa do voso agrado, e lembramos a importancia que a lectura en familia ten desde idades temperás, para fomentar o amor pola lectura. Tamén agradecemos calquera suxestión que nos fagades chegar para introducir melloras e novas ideas. Así que, animádevos.
No hay comentarios:
Publicar un comentario