Blog da Biblioteca do C.P.I. Dr. López Suárez. Friol

14.5.14

O noso idioma é para usar...


De nós depende manter a nosa lingua viva. Vale, non só de nós, tamén dunha vontade e compromiso que debe vir dunha política lingüística que conciba o coñecemento do noso idioma como unha obriga comunitaria. Pero nós, aínda que as políticas fallen, podemos facer moito na súa defensa (fixémolo durante séculos e podémolo seguir facendo). 
Un exemplo nolo ofrece Sebastián García Mouret, un alumno de 2º de Bac de Lugo, que ademáis de fomentar o galego é un amante da lectura. Proba disto é que é o autor dunha canle en Youtube, El coleccionista de mundos que conta con máis de 50.000 subscritores, e no que fai recensións dos libros que le. En só ano e medio conseguíu superar o millón de visitas. Agora acaba de abrir unha nova canle en galego, O Rocho das Ideas, co ánimo de fomentar o uso do galego na rede. Sendo como é fillo de nai francesa, Sebastián demóstranos que o único impedimento para expresarse en galego é o prexuízo que aínda levamos dentro.
Dado que o día das letras galegas está próximo, paga a pena visitar o traballo feito por este alumno e reflexionar sobre o compromiso que toda a comunidade debería asumir no fomento do galego e non só en datas sinaladas.

No hay comentarios:

Publicar un comentario

Todo o que se publica neste blog respecta os dereitos de autor.
Se alguén considera que algunha imaxe ou calquera outro elemento publicado vulnera estes dereitos, agradeceriamos se nos comunicase para eliminalo inmediatamente. Grazas