Un ano máis, e xa van tres, o Apalpador
visitou o colexio de Friol. Ocorreu uns días antes do Nadal e como ten costume
fixo entrada na biblioteca para asombro e ledicia da rapazada. Presentouse,
narrou as súas andainas pola montaña, mostrounos a cantidade de trebellos que
manufactura con tanta mestría e paixón e contounos como deixa agasallos nas
visitas a multitude de casas nestas datas. E sorpresa! Tamén tiña agasallos
para nós; unha chea de libros que foi entregando ás titoras de infantil e
primaria. Desde aquí dámoslle as grazas e agardamos que continúe con esta
tradición.
Tamén queremos agradecer a impagable disposición de Jose Antonio, pai dun pequeno de infantil, que tivo que deixar medrar o seu cabelo rubio
para a ocasión.
No hay comentarios:
Publicar un comentario