No mes de marzo, e xa choveu, o alumnado
do centro achegouse á biblioteca para escoitar música moi variada e de paso,
por que non, enfrontarse a un reto.
No caso de infantil, despois de escoitar bandas sonoras de películas como Peter Pan, Alicia no pais das marabillas, Harry Potter..., andaron á procura da portada que lle acaese ben e á escolla de
imaxes de rostros que expresaban distintas emocións segundo o que el@s
experimentaron. Mediante discriminación auditiva foron seleccionando imaxes de
instrumentos utilizados para crear as distintas pezas musicais. E así foron
compoñendo un mural sensitivo e emocional que comentaron cos outros grupos.
Para primaria a actividade seguiu o mesmo proceso, mais tiñan que seleccionar
de entre unha boa cantidade de textos as frases que aparecen nas películas que
se lles asignaron. A actividade completábase poñendo imaxes do vestiario e complementos dos
protagonistas.
Foi un gusto presenciar o entusiasmo e colaboración que amosaron; a boa
dinámica de grupo para elixir e debater calquera dúbida nas eleccións das
imaxes e textos.
E cando a actividade parecía ter chegado á súa fin; sorpresa gratificante:
Un grupo sabía a coreografía dunha secuencia de Peter Pan e, como non...!, se a actividade comezara con música, o
seu era acabala bailando. E así foi!
Pero non quedou aquí a cousa; á vista da implicación da rapazada na actividade decidiuse ir un pouco
máis alá. Distribuídas as portadas das películas polo chan, ao escoitar a
música o alumnado elixía correr cara a unha das imaxes. Ás veces era só un/ha
deles/as o que escollía unha das
opcións, e fixo presenza a presión de grupo; o INDIVIDUO cambia de opinión
"empuxado" pola MAIORÍA, de forma que abandona a súa primeira
elección. Foi un bo momento para traballar este comportamento social tan común.
Parabéns a tod@s!!!. Xa podedes buscarvos na seguinte presentación.
Ah! Fortuitamente realizouse algunha gravación cando pensabamos que faciamos fotos. Saístes
tan naturais que vola ofrecemos tal cal.
No hay comentarios:
Publicar un comentario