E non é que pequemos de fachendosos, é que
literalmente foi así. Os vinte e tres compoñentes do club
inauguramos as actividades deste curso indo a ver a película Dune a un
cine de Lugo, xa que leramos a novela gráfica o curso pasado. E simplemente:
encantounos!!!
Pero tamén nos parece “de cine” que
continuemos sendo tantos os que formamos parte deste proxecto. Benvid@s a
tod@s!
Esperamos gozar das lecturas e actividades
derivadas delas e tamén compartir, sentir e aprender moito conxuntamente.
Velaquí a sinopse e valoración que
Ánxela realizou sobre a película.
“ Dune, a película que fomos ver a
finais de setembro, trataba sobre un rapaz chamado Paul que pertencía a unha
familia poderosa á que o emperador lle manda ir gobernar o planeta Arrakis.
Neste lugar o protagonista coñecerá aos seus habitantes, os fremen, e deberá
sobrevivir ás loitas cos harkonen, que son os antigos gobernantes do planeta,
nun ambiente ben distinto ao do seu antigo fogar.
Esta película gustoume moito, polo que,
aínda que dura dúas horas e media, non me pareceu longa para nada; resultoume
moi entretida.
Recoméndollela ás persoas que desfruten
coas películas de acción e aventura.”
No hay comentarios:
Publicar un comentario