LECTURAS E ACTIVIDADES DO SEGUNDO TRIMESTRE
No segundo trimestre os integrantes do Club de Lectura de primeiro ciclo optaron por ler Eu son A de Steve Tasane.
O noso desexo era acercarnos a unha realidade que sempre estivo aí pero que cada vez percibimos máis preto.
O proceso de acollemento de refuxiados pode vir orixinado por distintos motivos: guerras, fame, o cambio climático e as súas consecuencias… Polo que, no chamado “primeiro mundo”, cada vez vemos máis próxima a posibilidade de que calquera destas situacións nos afecte e teñamos que buscar acubillo noutros lugares. Toda una lección de humildade.
Trátase dunha historia conmovedora contada desde a perspectiva de personaxes coa idade dos nosos lectores.
En segundo ciclo a lectura elixida foi a obra teatral La ratonera, de Agatha Christie.
Varios personaxes conflúen na antiga mansión Monkswell Manor, convertida por unha xove parella nunha casa de hóspedes. A inesperada chegada do sarxento Trotter advertindo de que entre eles podería encontrarse un perigoso asasino e a imposibilidade de marchar do lugar nin poñerse en contacto co exterior, xa que se atopan incomunicados, fai que afloren as sospeitas entre eles.
Os
membros do club de 2º ciclo idearon, elaboraron e organizaron unha
actividade sobre a obra e a autora na que se traballou a procura de
información. O alumnado de 1º, 2º e 3º da ESO foi o participante.
A parella gañadora recibiu un agasallo.
Aquí vola deixamos! Esperamos que vos guste.
Agradecemos o deseño final a Noemí Agruñá.
No hay comentarios:
Publicar un comentario