Este curso, como novidade, hai un grupo de alumnado da ESO voluntario para ser lectores e lectoras noutros niveis. Escollen e preparan un conto no seu tempo de lecer.
Aquí contan a súa primeira experiencia nesta actividade:
A semana previa ás vacacións de Nadal, o alumnado voluntario que participou como lector acudiu as aulas de educación infantil para interpretar o conto Chibos chibóns, da editorial Kalandraka. Preparamos a actividade con ilusión acompañando a lectura con acenos, mímica e xestos mentres unha persoa do grupo se encargaba de ler a historia.
A experiencia foi moi divertida e agradable. Encantounos observar as reaccións dos nenos e nenas a medida que avanzaba o conto.
Ao rematar a lectura propuxémoslles que debuxasen o seu personaxe favorito. O resultado foi impactante xa que fixeron uns debuxos moi orixinais e creativos.
Ao alumnado de infantil gustoulle tanto a actividade que nos pediron volver. E nosoutras encantadas!
No hay comentarios:
Publicar un comentario